Jól án samviskubits

Það fylg­ir gjarn­an jól­un­um að borða of mikið og hreyfa sig of lítið. Af­leiðing­arn­ar; bjúg­ur, þreyta, auka­kíló, sam­visku­bit. En þarf þetta að vera svona ægi­legt?

Ekki sam­kvæmt Huff­ingt­on Post þar sem nokkr­ir einkaþjálf­ar­ar ríka og fræga fólks­ins vest­an­hafs gefa skot­held heilsuráð, sem gagn­ast bæði lík­ama og sál. Það sem mestu máli skipt­ir; ekki gera hlé á lík­ams­rækt­inni um jól­in.

Hlúðu að and­legri heilsu þinni: Það ger­ist ekki með því að kúra uppi í sófa held­ur með því að fara út að ganga. Þegar þú hreyf­ir þig sef­urðu bet­ur. Um leið ertu af­slappaðri og gríp­ur þar af leiðandi síður í óholl­an mat, kol­vetni og syk­ur. Og þegar þú borðar betri mat líður þér bet­ur.

Taktu æf­inga­dótið með í jóla­fríið: Pakkaðu niður æf­inga­skón­um eða jógafatnaðinum ef þú dvel­ur að heim­an yfir jól­in, það hvet­ur þig til að fara í rækt­ina þótt þú sért í fríi. Reyndu að æfa reglu­lega um jól­in og taka helst ekki meira en tveggja daga pásu.

Byrjaðu dag­inn snemma: Vaknaðu á und­an hinum og drífðu þig strax í lík­ams­rækt­ina. Það er frá­bært að byrja dag­inn þannig, líka þótt það sé jóla­frí. Þú kem­ur í veg fyr­ir að snúa sól­ar­hringn­um við og hef­ur næg­an tíma til að gera eitt­hvað skemmti­legt með fjöl­skyldu eða vin­um.

Jóga, píla­tes og inn­hverf íhug­un: Frá­bær leið til að æfa sig heima í stofu og kyrr­lát byrj­un á góðum degi. Bygg­ir þig upp lík­am­lega og and­lega og skil­ar þér end­ur­nærðum inn í dag­inn.

Ekki hætta núna: Það get­ur verið erfitt að halda sér við efnið í lík­ams­rækt­inni um jól­in. En þá er mik­il­vægt að líta til baka og minna þig á hversu vel þú hef­ur staðið þig allt árið. Það er ástæða fyr­ir því að þú ert í góðu formi, ekki eyðileggja fyr­ir þér núna.

Komdu þér aft­ur í form: Ef lík­ams­rækt­in sit­ur af ein­hverj­um ástæðum á hak­an­um um jól­in taktu þá upp þráðinn þar sem frá var horfið um leið og hátíðinni lýk­ur. Leggðu þig fram um að borða holl­an mat, drekktu mikið vatn og byrjaðu aft­ur að stunda lík­ams­rækt. Mundu; því leng­ur sem þú dreg­ur það að byrja því lengri tíma tek­ur það þig að kom­ast aft­ur í fyrra form.

• 1 blogg um frétt­ina

Bloggað um frétt­ina

• Mofi: Lík­ams­rækt er von­laus aðferð til að grenn­ast