Demi Moore á sjúkrahúsi

Demi Moore var lögð inn á sjúkrahús á mánudagskvöld, uppgefin bæði andlega og líkamlega. Hringt var í neyðarlínuna 911 og sótti sjúkrabíll leikkonuna á heimili hennar í Los Angeles. Hlúð var að Moore í hálftíma áður en ekið var með hana á spítala, þar sem hún undirgengst nú meðferð við ofþreytu.

Moore skildi sem kunnugt er við eiginmann sinn Ashton Kutcher undir lok síðasta árs eftir að sögusagnir komust á kreik um að hann hefði reynst henni ótrúr. Talsmaður leikkonunnar lét hafa eftir sér á þriðjudag að hún ætli nú að einbeita sér að því að safna andlegu og líkamlegu þreki.  „Demi hefur verið undir miklu álagi undanfarið og þjáist af ofþreytu. Af þeim sökum hefur hún ákveðið að leita sér hjálpar sérfræðinga til að ná fyrri heilsu á ný.“

Demi Moore. mbl.is/Cover Media

• Blogga um frétt