Hætt í ruslfæðinu

Jessica Simp­son er hætt að borða rusl­fæði og er ný talskona Weig­ht Watchers; sam­taka sem sér­hæfa sig í megr­un­ar­ráðgjöf. Söng­kon­an ákvað að breyta um lífs­stíl og taka upp holl­ari lífs­hætti eft­ir að hún eignaðist frumb­urðinn, dótt­ur­ina Maxwell Drew, í byrj­un maí. 

Barns­faðir Simp­son er fyrr­ver­andi NFL-leikmaður­inn Eric John­son en þau hafa verið par frá ár­inu 2010. „Jessica er með Max á brjósti og hún vill tryggja að hún fái sem besta nær­ingu,“ seg­ir heim­ildamaður tíma­rits­ins Us Weekly.

„Hún er því hætt að borða óholl­an mat, fyrst og fremst barns­ins vegna. Jafn­framt vill hún hlúa að eig­in heilsu og koma sér aft­ur í gott lík­am­legt form eft­ir barns­b­urðinn,“ seg­ir heim­ildamaður.

Simp­son til­kynnti á miðviku­dag að hún væri geng­in til liðs við Weig­ht Watchers og yrði talskona þeirra í framtíðinni.

„Það frá­bæra við sam­tök­in er að þau kenna manni nýja siði varðandi heilsu og mataræði og ein­blína á lang­tíma­mark­mið. Og það er í góðu lagi að svindla stund­um,“ skrifaði söng­stjarn­an á vefsíðu sína.

• 1 blogg um frétt­ina

Bloggað um frétt­ina

• Jens Guð: Rusl­fæði dýrkað