Manhattan-kúrinn slær í gegn

Erkitýpan af konum á Manhattan vill ýmist vera af framakonunni sem æfir sig fyrir maraþonið í Central Park í frístundum, eða af jóga-mömmum sem ganga um í vintage-flíkum og versla allt lífrænt og ferskt í gourmet-búðum Greenwich Village. Hvor heldur sem er eiga þær það sameiginlegt að vera tággrannar, og það þrátt fyrir að stunda veitingastaði, bari og kaffihús stóra eplisins stíft.

Hvernig Manhattan-konur fara að því að halda sér grönnum og flottum er umfjöllunarefni nýrrar bókar, The Manhattan Diet, eftir Eileen Daspin. Eileen ræddi við fjöldann allan af konum í New York við gerð bókarinnar til að komast að því hvernig þær passa upp á línurnar. Kom henni á óvart hversu lítið var um öfgar í í heilsuprógrammi þeirra, öfugt við það sem hún hélt að yrði.

Stutta útgáfan af því sem hún komst að hljómar svona samkvæmt Mailonline:

• Borðaðu vel en ekki of mikið.
• Labbaðu allt sem þú getur.
• Eldaðu heima.
• Ekki klára alveg af matardisknum.
• Leyfðu þér eitthvað sætt af og til.
• Passaðu að verða ekki svöng.
• Borðaðu sem mest af ferskri, óunninni vöru.
• Losaðu þig við allt sem inniheldur orðið „diet“.
• Vatn er gott fyrir þig.
• Vínglas af og til líka.
• Borðaðu alltaf nóg af grænmeti.

Út frá svörum kvennanna setti Eileen saman 28 daga matarplan sem finna má í bókinni auk þess sem þar er að finna fjöldann allan af góðum ráðum og uppskriftum frá ýmsum þekktum kokkum.

Eitt er víst að maður þarf klárlega ekki að búa í New York til að fylgja Manhattan-kúrnum.

• 1 blogg um fréttina

Bloggað um fréttina

• Ásgrímur Hartmannsson: Ekki það sem mér datt í hug.