Töfradrykkur við frjókornaofnæmi

Eins ljúf og hækkandi sól nú er, er því ekki að neita að hvimleiður fylgikvilli vors og sumars er frjókornaofnæmið. Því er ekki verra að luma á töfraformúlu þegar það byrjar að herja á mann.

Meðfylgjandi uppskrift er að heilsudrykk sem sérfræðingar Healthy Holistic Living-síðunnar uppástanda að geri kraftaverk í ofnæmistíðinni. Guð veit að það er lítið gaman að vera með rauð augu, rennandi nef og hnerrandi þegar maður vill vera úti í sólinni, á sumarkjól og sandölum, með gleði í hjarta. Því er um að gera að gefa honum þessum séns

Græna sprengjan:

1 bolli grænt myntute

2 kiwi

1 grænt epli

1 avókadó

1 msk frjóduft (e. bee pollen, fæst í heilsuverslunum)

1 msk hunang

1/2 tsk turmeric

2 msk ferskur lime-safi

Aðferð: Öllu skellt í blandara og maukað saman.

Vinsamlegast athugið: Mælt er með að sem mest af innihaldinu sé lífrænt ræktað. Farið einnig hægt af stað í frjóduftið. Mælt er með því að byrja smátt og fara ekki í fulla matskeið fyrr en eftir að hafa drukkið drykkinn með minna magni, einu sinni á dag í viku.

• Blogga um frétt