Útbúðu þína eigin hnetusteik

Sollu Eiríksdóttur finnst ómissandi að fá sína ljúffengu hnetusteik á jólunum. Hér sýnir hún lesendum hvernig við eigum að bera okkur að þegar við matbúum eina slíka.

2 laukar, smátt saxaðir
300 g sæt kartafla, skorin í bita
300 g sellerírót, skorin í bita
300 g kartöflur, skornar í bita
4 msk tómatpuré
2 msk timían
2 msk karrí
1/2 tsk chili
1 msk salt
200 g kasjúhnetur, ristaðar og malaðar
200 g möndlur, ristaðar & malaðar
200 g heslihnetur, ristaðar og malaðar

Aðferð:

Forbakið grænmetið og kartöflurnar í ofni við 200°C í um 10-15 mín. Ristið og malið hnetur. Setjið allt í hrærivél og hrærið saman. Setjið bökunarpappír í form eða smyrjið, gott er að strá sesamfræjum eða muldum hnetum í botninn áður en steikin er sett í. Bakið við 180°C í um 40 mín. Ef þið mótið hverja sneið fyrir sig er bökunartíminn 12-15 mín við 200°C.

Mjög gott með eplasalati og sveppasósu.

• 1 blogg um fréttina

Bloggað um fréttina

• Jóhannes Ragnarsson: Fullkominn dónaskapur og ribbaldaháttur