Mögnuð leið til að komast yfir sykurlöngun

Það kannast eflaust margir við sykurpúkann og hversu ágengur hann getur verið. Það er alltaf jafnerfitt að standast sykurinn þegar sykurlöngun gerir vart við sig. En meðfylgjandi er ótrúlegt einfalt ráð sem gæti hjálpað þér að komast yfir sykurlöngunina.

Þegar löngunin í kökur, ís eða súkkulaði gerir vart við sig gæti virst skynsamlegt að reyna að dreifa huganum og hætta að hugsa um sætindi. En rannsókn sem gerð var við Carnegie Mellon-háskólann í Pennsylvaniu leiddi annað í ljós. Niðurstöður rannsóknarinnar gáfu til kynna að það er hjálplegt að ímynda sér sjálfa(n) sig borða mikið af þeim sætindum sem maður þráir hverju sinni.

„Að einhverju leyti jafnast ímyndun á við raunverulega upplifun. Munurinn á ímyndun og upplifun er líklegast minni en ætla mætti,“ sagði Joachim Vosgerau en hann hélt utan um framkvæmd rannsóknarinnar. Þetta kemur fram í grein sem birtist á Byrdie.com.

Þannig að næst þegar þig langar óstjórnlega mikið í súkkulaði, prófaðu þá að ímynda þér að þú sért að troða þig út af því og gáðu hvort löngunin minnkar ekki.

Sykur er afar ávanabindandi.

• Blogga um frétt