Skólabróðir gaf Gyðu nýra

Gyða Thorlacius Guðjónsdóttir hjúkrunarfræðingur fékk bestu jólagjöf allra tíma þegar þegar hún fékk nýtt nýra. Gamall skólabróðir hennar gaf úr sér líffæri til að bjarga lífi hennar.

„Besta jólagjöf allra tíma ! ❤😊
Loksins er 4 ára bið lokið og ég komin með nýtt nýra sem hann Kjartan Jón Bjarnason gamli bekkjarfélagi minn og vinur úr MR ákvað að vera svo yndislegur og gefa mér. Okkur heilsast báðum rosalega vel eftir aðgerðina og allt hefur gengið framar öllum vonum,“ sagði Gyða á Facebook-síðu sinni.

Gyða er búin að vera nýrnaveik í 15 ár og hafa veikindin tekið sinn toll. Gyða á þrjú börn og var ráðþrota þegar hún fór í viðtal við Ísland í dag á Stöð 2 fyrir ári síðan. Fjölskylda hennar gat ekki gefið henni líffæri og því biðlaði hún til þjóðarinnar. Henni datt ekki í hug á þeim tímapunkti að nýrnagjafinn yrði gamall skólabróðir hennar úr MR.

• 1 blogg um fréttina

Bloggað um fréttina

• Ómar Ragnarsson: Nýrnagjafinn sem gaf sjálfum sér lífið.