Sjálfsfróun á blæðingum bætir heilsuna

Það ætti að vera gott fyrir konur að stunda sjálfsfróun meðan á blæðingum stendur, heilsufarslegar ástæður mæla með því. Konur ættu því ekki að hika við að gera það meðan á þessum tíma stendur.

„Ég held það sé ekki af hverju þú ættir, heldur af hverju þú ættir ekki að gera það,“ sagði sambandsráðgjafinn Logan Leckoff við Women’s Health. En samkvæmt henni eru margar konur sem halda að þær eigi ekki að vera pæla í þessum hlutum meðan á blæðingum stendur, en það er byggt á misskilningi.

Ástæðan fyrir því að konur ættu að stunda sjálfsfróun á blæðingum er ekki bara sú augljósa staðreynd að það er gott heldur líka getur fullnæging minnkað tíðaverki. Líkaminn gefur frá sér hormón við fullnægingu sem virka eins og náttúruleg verkjalyf. „Fullnæging getur líka hjálpað þér að sofa,“ sagði Logan og bætir við að það sé mikið af heilsufarslegum ávinningum.

Í rannsókn gerðri af University of Virginia kom líka í ljós að konur upplifðu betri fullnægingu þegar þær voru á blæðingum.

Konur ættu ekki að hika við að stunda sjálfsfróun meðan á blæðingum stendur. mbl.is/Thinkstockphotos

• 1 blogg um fréttina

Bloggað um fréttina

• Jóhannes Ragnarsson: Hafnar alfarið meintri hollustu sjálfsfróunar á blæðingum.