Smartland Mörtu Maríu | Heilsa | mbl | 7.10.2017 | 21:00

Það sem kynfærahárin segja um þig

Hvað segja kynfærahárin um þig? mbl.is/Thinkstockhphotos

Þó svo að fólk sé kannski ekki að fá sér permanent í kynfærahárin þá má finna tískubylgjur á því svæði rétt eins og á hárinu sem vex á höfðinu. Hins vegar má fá ýmsar upplýsingar um líkama okkar og heilsu með því að skoða kynfærahárin eins og fram kemur í grein Prevention.

Þú ert að eldast

Fólk þarf kannski ekki að lesa í kynfærahárin til þess að finna út hvað það er gamalt. Hins vegar er það staðreynd að kynfærahárin breytast með aldrinum. Eftir að konur fara á breytingaskeiðið minnkar hárvöxturinn. Hann minnkar að sjálfsögðu annars staðar líka og rétt eins og hárin á höfðinu grána þá grána kynfærahárin með aldrinum.

Þú þarft að athuga hormónastöðuna

Þó svo að náttúrulegur hárvöxtur sé aftur kominn í tísku þá þýðir það ekki að konur séu hættar að snyrta sig að neðan og það er í góðu lagi. Ef hins vegar litlir bólgnir hnúðar byrja að myndast á kynfærahárasvæðinu ertu komin með inngróin hár og ættir þú þá líklega að gefa rakvélini frí. Með því að raka þetta viðkvæma svæði ertu líklegri til þess að fá inngróin hár.