Leikarinn Tom Hanks er enn að ná fullri heilsu eftir að hafa smitast af kórónuveirunni. Hann hefur verið að vinna upp þrekið á síðustu vikum og tekið stuttar æfingar. Meðan hann var að ná sér varð hann búinn á því eftir aðeins 12 mínútuna æfingu.

Hanks og eiginkona hans Rita Wilson smituðust bæði af veirunni snemma í marsmánuði. Þau eru ekki lengur veik en það tekur á að ná fullri heilsu aftur. 

„Rita varð mun veikari en ég. Hún var með miklu hærri hita. Hún missti allt lyktar- og bragðskyn. Ég var með slæma beinverki og var mjög þreyttur og þannig eru áhrifin sem veiran hafði á okkur,“ sagði Hanks í útvarpsviðtali á dögunum.

Hann bætti við að hann hefði reynt að halda sér í formi á meðan hann jafnaði sig á veirunni og gert 30 mínútna teygjuæfingar og „æfingar fyrir gamla karla“ en ekki haft þol til að klára æfinguna. „Ég var búinn á því eftir 12 mínútur,“ sagði Hanks.

Hanks reyndi að taka æfingar á meðan hann var að jafna sig á veirunni en entist bara í 12 mínútur. AFP

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Landhelgi og mannhelgi. Frelsi eins endar þar sem frelsi annars …