Sérfræðingar hafa verulegar áhyggjur af nýjasta heilsutrendinu á samfélagsmiðlinum TikTok, fæðubótarefninu Berberine, sem hefur verið kallað „náttúrulegt Ozempic“.

Undanfarna mánuði hefur mikið verið rætt og skrifað um lyfið Ozempic sem hefur verið kallað „töfralyfið“ í Hollywood. Lyfið er ætlað sykursjúkum til að léttast og eru fjölmargar Hollywood-stjörnur sagðar nota lyfið í þeim tilgangi. 

Frétt af mbl.is

„Megrunarlyf“ á TikTok veldur áhyggjum

Frétt af mbl.is

Segir nýjasta „töfralyfið“ í Hollywood ekki áhættulaust

Ozempic tók yfir TikTok í ársbyrjun, en nú hefur fæðubótarefnið Berberine tekið yfir. Fjölmargir hafa deilt myndskeiðum af þyngdartapi sínu með hjálp fæðubótarefnisins, en myllumerkið #berberine hefur þegar fengið yfir 58 milljón áhorf á miðlinum. 

Efninu geti fylgt töluverðar aukaverkanir

Læknar hafa hins vegar áhyggjur og vara við því að efnið geti „verið hættulegt“ sé það tekið inn í von um þyngdartap. Þá hafa þeir einnig vakið athygli á að efninu geti fylgt töluverðar aukaverkanir eins og niðurgangur, hægðatregða, magaóþægindi og ógleði. 

Dr. Simon Cork, dósent í lífeðlisfræði við háskóla í Cambridge, segist ekki hafa fundið neinar sannanir fyrir þeim fullyrðingum sem settar hafa verið fram um efnið á TikTok. „Ég hef aðeins getað fundið eina klíníska rannsókn þar sem Berberine er notað til þyngdartaps,“ sagði hún í samtali við Daily Mail.

Í rannsókninni sem um ræðir voru aðeins sjö þátttakendur, en niðurstöður sýndu ekkert marktækt þyngdartap á þeim sex vikum sem þátttakendur tóku efnið inn. Þá þyngdust sumir þátttakendur meðan á rannsókninni stóð.

Enn ein skyndilausnin sem leysir engin vandamál

„Það er ekki rétt að vísa til efnisins sem „náttúrulegs Ozempic“ þar sem þessi efni vinna á mjög ólíkan hátt,“ bætti Cork við, en hún segir efnið ekki minnka matarlyst eins og sykursýkilyfið og því muni hungur aðeins aukast og þetta leiða til þyngdaraukningar á endanum. Þá gæti fæðubótarefnið einnig haft áhrif á niðurbrot annarra lyfja og þannig dregið úr virkni þeirra eða leitt til uppsöfnunar þeirra í líkamanum. 

Talsmaður National Center for Eating Disorders benti einnig á að efnið væri bara enn ein skyndilausnin á flóknu vandamáli. „Berberine mun ekki leysa át vegna vanlíðunar, hugarfars eða félagsleg vandamál sem valda offitu.“

Tengdar fréttir

Ozempic

Yfir 500 milljarða hagnaður hjá Novo Nordisk

• Stefnir í skort á Ozempic
• Fylgst með fölsuðum pennum
• Ozempic-fatalína vekur hneykslan
• Lyfjastofnun um Ozempic: Mega ekki forgangsraða

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Plastmengunin virðist vera langmesta ógnin.