Undirbjó skilnaðinn með leyniíbúð

Þegar Katie Holmes óskaði eftir skilnaði við Tom Cruise á fimmtudaginn eftir farsælt fimm ára hjónaband var hún búin að leigja sér leyniíbúð í New York. Íbúðina leigði hún fyrir sig og dóttur þeirra Suri svo það yrði sem minnst rót á dótturinni.

Us Weekly greinir frá því að New York-íbúðin passi ákaflega vel fyrir Holmes, sem er 33 ára, á meðan hún gengur frá skilnaðinum við Tom Cruise.

Tom Cruise er staddur hérlendis við tökur á myndinni Oblivion og kom Katie Holmes með Suri til landsins í þarsíðustu viku. Mæðgurnar stoppuðu í nokkra daga á Íslandi áður en þær héldu til New York.

Eins og fram hefur komið er Cruise niðurbrotinn vegna skilnaðarins en á sama tíma glöddust tengdaforeldrar hans því þau hafa aldrei verið sérlega hrifin af ráðahagnum.

Katie Holmes og Tom Cruise rölta niður Þingholtsstrætið. mbl.is/Júlíus Sigurjónsson

• 1 blogg um fréttina

Bloggað um fréttina

• Þórdís Bachmann: Beið færis?