Magnús Ólafur Garðarsson, fyrrverandi forstjóri United Silicon, hefur sett einbýlishús sitt á sölu. Húsið keypti hann af Ólafi Ólafssyni og Ingibjörgu Kristjánsdóttur árið 2015.

Húsið er 304 fm að stærð en það var byggt 1994. Ólafur Ólafsson, oft kenndur við Samskip, og Ingibjörg Kristjánsdóttir eiginkona hans festu kaup á húsinu 11. nóvember 1996. Þau seldu hins vegar Magnúsi Ólafi húsið 22. maí 2015. 

Fasteignamat hússins er 97.950.000 kr. og er ásett verð 150 milljónir króna. Húsið er á tveimur hæðum og mjög vandað. Í húsinu eru vandaðar innréttingar og hefur augljóslega ekkert verið til sparað þegar húsið var innréttað. 

Það sem er einna mest heillandi við húsið er risavaxni stofuglugginn með útsýni út í Nauthólsvík.

Af fasteignavef mbl.is: Huldubraut 28