Arnar Þór Ólafsson fjármálaverkfræðingur og Helga Kristín Ingólfsdóttir mannauðsráðgjafi hafa fest kaup á íbúð við Aðalstræti í Reykjavík. Íbúðina keyptu þau af Snorra Mássyni, ritstjóra á ritstjóra, en hann setti íbúðina á sölu þegar hann og kærasta hans festu kaup á íbúð við Tómasarhaga.
Íbúðin er 53 fm að stærð og sérlega vel staðsett. Hún er á þriðju hæð í fjölbýlishúsi sem reist var 1970.
Eldhús og stofa eru samliggjandi í opnu alrými. Í stofunni er stór gólfsíður gluggi sem gefur rýminu án efa mikinn sjarma ásamt því að hleypa góðri birtu inn. Á milli stofu og eldhússins hefur borðstofuborði verið komið fyrir sem brýtur rýmið upp. Eitt svefnherbergi og eitt baðherbergi eru í íbúðinni, en í svefnherberginu má einnig sjá gólfsíðan glugga sem gerir mikið fyrir rýmið. Frá herberginu er útgengt á svalir til suðurs.Ásett verð er 49,9 milljónir.
Arnar Þór og Helga keyptu íbúðina á 52.500.000 kr.
Smartland óskar parinu hjartanlega til hamingju með íbúðina!