Mér berast reglulega fyrirspurnir um það hvernig ég búi til ýmsa drykki sem ég byrja yfirleitt daginn á að drekka. Þótt ég hafi gefið uppskriftir af sumum þeirra áður, ætla ég að gefa hér aftur uppskrift að græna djúsnum sem ég drekk reglulega. Jafnframt kemur hér uppskrift að „hristing fyrir frumuhimnurnar", en hann er úr bókinni Rétt mataræði fyrir þinn blóðflokk, sem er eftir Dr. Peter J. D‘Adamo.
Græni djúsinn - uppskriftin kemur
frá vinkonu minni Sollu á Gló. Setjið í blandara:
1 agúrku
2-3 sellerístöngla
1 hnefi af káli - t.d. spínati, grænkáli, steinselju
½-1 límóna
3-4 sm engiferrót, afhýdd ef hún er ekki lífrænt rætkuð
3-5 dl vatn)
Grænmetið saxað áður en það er sett í blandara. Öllu blandað vel saman -
djúsinn svo sigtaður í gegnum grisju.
Hristingur fyrir frumuhimnurnar
Þennan drekk ég reglulega, þótt í bókinni hans D‘Adamo sé hann sérlega
ráðlagður fyrir þá sem eru í B-blóðflokki. Svo skemmtilega vill til að ég fékk
óstjórnlega löngun í hann í gær og sit því hér og drekk hann á meðan ég skrifa
þennan pistil.
170-200 ml safi úr rauðu greipaldin - 2 greipaldin er hann er gerður úr ferskum
safa, en einnig má kaupa tilbúinn safa, sem er auðvitað bestur úr lífrænt
ræktuðu greipaldini
1 matskeið hörfræsolía - ég nota UDO‘s 3-6-9
1 matskeið lesítín-korn
Allt sett í blandara og þeytt vel saman
Þessi safi hefur sérlega góða aflgjafa fyrir ónæmis- og taugakerfið og má drekka hann daglega á fastandi maga. Lesítín er fituefni (lipid) sem er í dýrum og plöntum og hefur bætandi eiginleika fyrir efnaskipta- og ónæmiskerfin. Í hristingnum er mikið af kólíni (B-vítamínum), seríni (amínósýrum) og ethanolamíni (phospholipid=ýmis fituefnasambönd), sem skipta máli fyrir þá sem eru í B-flokki - og reyndar aðra blóðflokka líka J
Heimildir: Rétt mataræði fyrir þinn blóðflokk eftir Dr.
Peter J. D‘Adamo
Neytendaupplýsingar: Allt hráefni í drykkina fæst í heilsuvöruverslunum eða
matvörumörkuðum.