Ævintýralegt innflutningsteiti Wow

Wow air flutti á dögunum í fjólubláa húsið við Höfðatorg. Í gærkvöldi var því fagnað með innflutningsteiti þar sem skrifstofunum var breytt í skemmtistað. Það kemur kannski ekki á óvart því Skúli Mogensen, forstjóri Wow air, rak Tunglið í gamla daga þegar það var heitasti skemmtistaðurinn.

Boðið var upp á glæsilegar veitingar í föstu og fljótandi formi. Nonni á Hamborgarabúllu Tómasar var án efa vinsælasti maðurinn á staðnum því hann grillaði hamborgara ofan í mannskapinn.