Hönn­un­ar­sjóður­inn Aur­ora út­hlutaði styrkj­um til sex ein­stak­linga í gær. Þeir sem fengu styrk voru Guðrún Harðardótt­ir, Guðni Val­berg, Anna Dröfn Ágústs­dótt­ir, Guðrún Lilja Gunn­laugs­dótt­ir, Klara Arn­alds og Guðmund­ur Jör­unds­son. 70 um­sókn­ir bár­ust á öll­um sviðum hönn­un­ar.

Sér­stök áhersla er lögð á arki­tekt­úr að þessu sinni, þar sem verk­efnið HÆG BREYTI­LEG ÁTT sem Hönn­un­ar­sjóður Aur­oru hef­ur verið með í und­ir­bún­ingi og kynnt var á viðburði á Hönn­un­ar­Mars í vor, fær sér­stak­an stuðning. HÆG BREYTI­LEG ÁTT er verk­efni á sviði byggða- og íbúðaþró­un­ar þar sem lögð verður áhersla á að fá fram hug­mynd­ir sem varpa ljósi á vist­vænni, sam­fé­lagsmeðvitaðri, ódýr­ari og fram­sækn­ari íbúðar­kosti í ís­lensku þétt­býli í krafti hug­mynda­vett­vangs, þar sem sam­vinna verður í fyr­ir­rúmi. Sam­starfsaðilar Hönn­un­ar­sjóðs Aur­oru í þessu verk­efni eru Reykja­vík­ur­borg, Sam­tök iðnaðar­ins og Hönn­un­ar­miðstöð.

Auk út­hlut­un­ar til verk­efn­is­ins HÆG BREYTI­LEG ÁTT er út­hlutað til fimm annarra verk­efna. Þau eru bók­verk á sviði arki­tekt­úrs, verk­efn­is um þrívíða sköp­un og tækni, verk­efni á sviði fata­hönn­un­ar og tveir ný­út­skrifaðir hönnuðir fá styrk til starfs­náms er­lend­is. 

Úthlut­un­in fór fram í húsa­kynn­um Hönn­un­ar­miðstöðvar­inn­ar og sá Sveinn Kjart­ans­son um veit­ing­arn­ar sem voru ansi lekk­er­ar.