Hver er hinn fullkomni aldursmunur?

„Aldur er bara tala,“ er gjarnan sagt en það á varla við í öllum tilfellum. Á lífsleiðinni söfnum við reynslu og þroskumst og er þá ekki skemmtilegra að fara samferða einhverjum í gegnum það sem er á svipuðum stað?

Samkvæmt nýrri rannsókn sem gerð var við Emory-háskólann í Atlanta aukast líkur á að ástarsamband fólks endist ef aldursmunurinn er „hæfilegur“.

En hver er hæfilegur aldursmunur á milli fólk? Um 3.000 manns tóku þátt í rannsókninni og í ljós kom að því meiri sem aldurmunurinn er, því líklegra er að sambandið fari í vaskinn.

Ýmislegt kom í ljós í þessari merkilegu rannsókn, svo sem að um 18% meiri líkur eru á að fólk skilji er fimm ára aldursmunur er á því heldur en ef það væri jafnaldrar. Líkurnar jukust upp í 39% ef aldurmunurinn er um 10 ár. 20 árin þýða svo að líkurnar á skilnaði eru komnar upp í 95% samkvæmt niðurstöðunum sem greint var frá á vef Cosmopolitan.

Lokaniðurstaða rannsakenda er þá að eins árs munur er tilvalið og að þannig eru góðar líkur á að sambandið endist. Auðvitað er margt sem spilar inn í, svo sem, barneignir, hegðun og sameiginleg áhugamál svo dæmi séu tekin, en niðurstöðurnar eru engu að síður áhugaverðar.

Getur verið að meiri aldursmunur á milli hjóna þýðir auknar líkur á skilnaði? Ljósmynd/Getty images

• 1 blogg um fréttina

Bloggað um fréttina

• Guðleifur R Kristinsson: aldursmunur