Barnamatur grennir stjörnurnar

Það ætlaði allt um koll að keyra í fyrra þegar fréttir bárust af því að Jennifer Aniston hefði lifað á barnamat á meðan á tökum á myndinni, Just Go With It, stóð til þess að líta sem best út í tökunum. Nú eru sögusagnir um að söngkonan Cheryl Cole hafi borðað lítið annað en barnamat þegar hún var að undirbúa sig fyrir ameríska X Factor og rýrnað töluvert í leiðinni.

Framleiðendur á barnamat í Bretlandi eru himinlifandi yfir þessu því þeir segja að salan hafi stóraukist og það sé greinilegt að það séu ekki bara ungbörn sem lifi á framleiðslunni.

Jennifer Aniston og Cheryl Cole eru ekki þær einu sem taldar eru hafa neytt barnamatar því sagan segir að leikkonan Reese Witherspoon og söngkonan Lady GaGa hafi gert slíkt hið sama. Salan á barnamat hefur aukist um 59 prósent í Bretlandi. Það eru þó ekki allir sammála um ágæti þess að neyta barnamatar.

Næringarfræðingurinn Janine Fahri segir að þetta sé alger della og segir að fólk gæti alveg eins borðað kattarmat til að brennast.