Svona fór Katrín að því að grennast

Það hafa margir áhyggjur af hertogaynjunni Katrínu Middleton því hún þykir hafa rýrnað verulega eftir að hún giftist Vilhjálmi prins.

Frú Middleton fór í átak fyrir brúðkaupið. Eftir að hún kom heim úr brúðkaupsferðinni hefur hún haldið áfram að grennast og þegar hún tók á móti Obama-hjónunum fyrir helgi sást að hún hefur aldrei verið jafn rýr.

Fyrir brúðkaupið var þetta á matseðlinum:

Hún borðaði haframjöl í morgunmat með berjum. Hún valdi gjarnan bláber og setti örlítið hunang út á.

Í hádegisverð fékk hún sér magurt kjöt og grænmeti. Kjúklingur varð gjarnan fyrir valinu.

Á milli mála fékk hún sér ávexti eða niðurskorið grænmeti. Stundum stalst hún til að fá sér litla súkkulaðibita.

Í kvöldmat fékk hún sér pasta með grænmeti og kjöti. Hún borðaði ekkert þremur klukkutímum fyrir háttatíma og dró verulega úr áfengisneyslu. Hún fékk sér ekki fleiri en tvö glös og það tvisvar í viku.

Nú er bara spurning hvernig lífi hún lifir eftir brúðkaupið því það er ekki eðlilegt hvað hún hefur horast mikið eftir að hún kom heim úr brúðkaupsferðinni. Sérfræðingar segja að hún gæti verið að glíma við lystarleysi vegna álags. Ætli hún verði ekki sjálf að svara fyrir það.

Vilhjálmur og Katrín á brúðkaupsdaginn. TOBY MELVILLE

• 1 blogg um fréttina

Bloggað um fréttina

• Ómar Ragnarsson: Vel gert en kannski nóg komið.