Katrín stórglæsileg á góðgerðasamkomu

Hertogahjónin af Cambridge, Vilhjálmur Bretaprins og Katrín, voru einstaklega glæsileg á góðgerðasamkomu sem að haldin var í kvöld í Kensington höll. Tæplega 900 gestir voru þar samankomnir en miðaverðið var tæpar tvær milljónir króna á haus og var haldin til styrktar Ark sjóðnum eða Absolute Return for Kids. Á dagskránni er kvöldverður, síðan mun prinsinn ávarpa samkomuna og að lokum mun tónlistarmaðurinn Mark Ronson skemmta gestum.

Hertogaynjan þótti bera af í klæðaburði en hún var klædd í fölbleikan Jenny Packham kjól sem þótti í senn einstaklega klæðilegur og glæsilegur.

Eins og sjá má á meðfylgjandi myndum er ljóst að hin nýbökuðu hjón eru í óðaönn að aðlagast nýjum hlutverkum sínum, ekki síst Katrín, en þetta er fyrsta opinbera embættisskylda hennar sem hertogaynjan af Cambridge.