Katrín mætti í gamalli kápu í afmælið

Katrín Middleton mætti í tveggja ára gamalli kápu í 90 ára afmæli Filippusar eiginmanns Englandsdrottningar. Kápan sem er blámunstruð leit þó ekki út fyrir að vera nokkurra ára gömul enda klassísk og glæsileg. 

Hún klæddist kápunni í brúðkaupi vinahjóna hennar og Vilhjálms árið 2009. Kápan er eins og sérsniðin á Katrínu og fór henni sérstaklega vel. Hatturinn var einnig viðeigandi, ekki of stór og glannalegur, heldur lögulegur.

Veislan var haldin í Buckinghamhöll á föstudaginn.  

Konunglega breska myntsláttan hefur gefið út sérstakan 5 punda pening í tilefni af afmælinu. Verður peningurinn sleginn í silfri og gulli og einnig nokkur eintök í platínu sem kosta 5450 pund hvert.  

Elísabet drottning varð 85 ára í apríl. Á næsta ári verða 60 ár frá því hún tók við völdum í Bretlandi. Þau Filippus giftu sig árið 1947. 

• 3 blogg um fréttina

Bloggað um fréttina

• Sigurður Hreiðar: Engum skyldi aukin sekt. . .
• Sigurður Haraldsson: Hvað?
• Dagný: Gott hjá henni.