Harry prins genginn út!

Það er skammt stórra högga á milli. Það var einungis í síðustu viku að Harry var bendlaður við svilkonu sína, Pippu Middleton, en það lítur út fyrir að hann hafi verið með hugann við allt aðra stúlku.

Í gær var því ljóstrað upp að hann væri kominn með nýja kærustu og þau hefðu verið að hittast á laun undanfarnar vikur. Hin heppna heitir Florence Brundenell-Bruce og er 25 ára gömul fyrirsæta.

Harry var áður í sjö ára stormasömu sambandi við Chelsy Davy og þrátt fyrir að hún hafi mætt við hlið hans í konunglega brúðkaupið í apríl þá hættu þau saman nokkru síðar.

Florence er af aðalsfólki komin og þess má geta að hún og Harry eru skyld í áttunda ættlið. Florence býr í íbúð í Notting Hill hverfinu sem kostar rúmar 70 milljónir króna og er því ekki á flæðiskeri stödd.  

Harry Bretaprins. mbl.is/Reuter

• 1 blogg um fréttina

Bloggað um fréttina

• Axel Jóhann Hallgrímsson: Ég myndi líka ganga út...