Kim Kardashian er með tvo einkaþjálfara

Brúðkaupsundirbúningur er á fullu hjá Kim Kardashian og nú hamast hún eins og enginn sé morgundagurinn í ræktinni.

Ungfrú Kardashian ætlar að giftast unnusta sínum, Kris Humphries, í lok sumarsins og er öllu til tjaldað. Hún ætlar ekki að klæðast neinum lörfum því Veru Wang brúðarkjóllinn bíður eftir henni. 

Til þess að vera sem kynþokkafyllst á sjálfan brúðkaupsdaginn hefur hún sett sérstaklega mikinn kraft í líkamsræktina. 

Heimildarmaður sagði í samtali við  more! tímaritið að hún væri tryllt í ræktinni.

„Hún æfir minnst tvisvar á dag, stundum oftar,  og er með tvo einkaþjálfara.“

Ungfrú Kardashian er þekkt fyrir fallegan klæðaburð og segir heimildarmaðurinn að hún muni skarta að minnsta kosti þremur kjólum á brúðkaupsdaginn. 

Þetta brúðkaup verður án efa eitt af brúðkaupum ársins. Stjörnur á borð við Beyoncé, Jay-z og Justin Bieber eru búin að boða komu sína svo einhverjir séu nefndir.