Kom að eiginkonunni í bólinu með öðrum

Það er allt að verða vitlaust í Bandaríkjunum út af fregnum af yfirvofandi skilnaði Will Smith og eiginkonu hans til þrettán ára, Jödu Pinkett-Smith. Tímaritið In Touch stendur fast við fréttaflutning sinn af skilnaðinum þrátt fyrir að Smith-hjónin hafi staðfastlega neitað að hann eigi við nokkur rök að styðjast.

Nú er blaðið hins vegar komið út og í því er sex blaðsíðna umfjöllun um skilnaðinn og orsök hans. Samkvæmt heimildum blaðsins á Will Smith að hafa komið að eiginkonunni uppi í rúmi með Marc Anthony, fyrrum eiginmanni Jennifer Lopez.

Blaðið heldur því jafnframt fram að Smith hafi hlaupið grátandi út úr húsinu og daginn eftir hafi Jada flutt út. Í ofanálag rak hann megnið af starfsfólki þeirra fyrir að hylma yfir með frúnni.

Nú er að sjá hvað Smith-hjónin segja. Hvort orðróminum verði áfram neitað eða hvort að satt reynist.