Gaf Demi Moore 18 milljóna lúxuskerru

Ashton Kutcher gaf Demi Moore bíl að andvirði 100.000 dollara, eða um 12 milljóna íslenskra króna, til þess að bjarga hjónabandinu. 

Í síðustu viku kom fram að Moore ætlaði að skilja við Kutcher.  Talið er að hjónbandið hafi gengið brösuglega í nokkra mánuði eftir að Kutcher var sakaður um framhjáhald. Kutcher og Moore hafa verið gift í sex ár en þau áttu sex ára brúðkaupsafmæli í september á þessu ári.

Samkvæmt netmiðlinum TMZ ákvað Kutcher að kaupa rándýran bíl fyrir Moore, einungis tveimur vikum eftir að Moore tók ákvörðun um skilnaðinn.

„Kutcher hafði samband við bílafyrirtæki til þess að geta keypt nýjustu týpuna á markaðnum.  Okkur var sagt að hann hafi valið 2012-árgerðina af Lexus LS 600hL og hafi borgað fyrir hann 100.000 dollara,“segir á vefmiðlinum TMZ.

Kutcher á að hafa keypt lúxuskerruna aðeins tveimur dögum eftir afmæli Moore en hún hélt upp á 49 ára afmælið sitt þann 7. nóvember síðastliðinn.

Kutcher kom fram í viðtali þar sem hann viðurkenndi sambandslitin, en var samt staðráðinn í því að svona vandamál væri hægt að leysa ef viljinn er fyrir hendi.

„Ég held að þetta snúist allt um að vinna í sambandinu og gera það betra, þegar ástandið er gott.  Ekki bíða eftir vandamálinu og þá loksins fara vinna í hlutunum,“sagði Kutcher.

• 1 blogg um fréttina

Bloggað um fréttina

• Jóhanna Magnúsdóttir: Eru bílar nú farnir að bjarga hjónaböndum?