Nutu ásta og hættu við að skilja

Söngkonan Sinead O'Connor tilkynnti í síðustu viku að hún væri skilin eftir aðeins 16 daga hjónaband með Barry Herridge. Nú hefur hún skipt um skoðun og vill hætta við skilnaðinn.

Í morgun setti hún það á Twitter að hún væri hætt við að skilja því þau hafi notið ásta og nú væri allt gott.

„Getið þið hver naut ásta með fyrrverandi eiginmanni sínum í gærkvöldi?“

Parið gifti sig í Las Vegas þann 8. desember síðastliðinn eftir fjögurra mánaða samband.  Hún segir að þau ætli að vera áfram saman og vinna í sambandinu.