Vísindakirkjan olli vinslitum Holmes og Beckham

Katie Holmes og Viktoría Beckham voru áður bestu vinkonur en þær kynntust í gegnum eiginmenn sína, Tom Cruise og David Beckham, og sáust þau öll fjögur oft saman opinberlega. Fyrir fjórum árum varð snöggur endir á vinskapnum og fullyrtu fjölmiðlar að ástæðan að baki væri sú að Beckham-hjónunum geðjaðist ekki að tengslum Cruise við Vísindakirkjuna.

Katie og Viktoría hafa ekki sést saman um langt skeið og virðast ekki vera í neinum samskiptum en nú þegar leikkonan er skilin við Cruise er komin upp ný staða í málinu. Má leiða að því getum að fyrrverandi vinkonurnar muni taka upp þráðinn að nýju, nú þegar Vísindakirkjan stendur ekki lengur í vegi fyrir þeim.

Víst er að fatahönnuðirnir Katie Holmes og Viktoría Beckham muni í síðasta lagi hittast á Tískuvikunni í New York í september, þegar leikkonan kynnir þar í fyrsta sinn tískulínu sína Holmes & Yang.

• 3 blogg um fréttina

Bloggað um fréttina

• Björn Emilsson: Tom Cruise og Eyes Wide Shut
• Ragnar Þorgeirsson: Hjúkk.
• Haraldur Haraldsson: Vísindakirkjan olli vinslitum Holmes og Beckham/Hvað er eiginlega þessi Vísindakirkja?????