Ætlar að eiga rómantískari stundir með Loga

Svanhildur Hólm Valsdóttir, aðstoðarkona Bjarna Benediktssonar formanns Sjálfstæðisflokksins, er búin að gera lista yfir hvað hún ætlar að gera eftir kosningarnar. Eitt af því er að eiga rómantískari stundir með eiginmanni sínum, Loga Bergmann Eiðssyni.

Listann birti hún á facebooksíðu sinni og er hann eftirfarandi:

Listi yfir hluti sem ég ætla að gera eftir kosningar (þetta er engan veginn tæmandi upptalning):
1. Hlusta á börnin mín.
2. Muna fimm mínútum síðar um hvað þau voru að tala.
3. Eiga rómantískari stund með manninum mínum en korter í kaffibolla í Kringlunni.
4. Sofa.
5. Borða bara hollan mat í fimm daga. (Hæ, Happ!)
6. Fara í ræktina.
7. Lesa bók. (Að sofna alltaf áður en átta mínútna lágmarkstíminn á hljóðbókinni minni rennur út telst ekki með.)
8. Hitta vini.
9. Hitta vini á réttum tíma og vera jafnlengi og þeir.
10. Sofa meira.

Svanhildur Hólm Valsdóttir. mbl.is

• 1 blogg um fréttina

Bloggað um fréttina

• Ármann Birgisson: Skrítin frétt.