Stórleikarinn Ryan Gosling er staddur hérlendis til að hitta Valdísi Óskarsdóttur klippara en hún klippir nýjustu mynd hans How to Catch a Monster. Myndin er frumraun hans í leikstjórastólnum. Í lýsingu IMDB segir að myndin fjalli um einstæða móður sem er rifin inn í myrka undirheima á meðan unglingssonur hennar uppgötvar veg sem leiðir hann að leyndri borg neðansjávar.

Í gær skellti Gosling sér í Bláa lónið og naut alls þess besta sem sú heilsulind hefur upp á að bjóða. Það er einhvern veginn ekki hægt að koma til Íslands nema heimsækja þessa heilsulind. Það sem færri vita er að í Bláa lóninu eru sérklefar fyrir þá sem vilja vera út af fyrir sig.

Um er að ræða álmu með sérherbergjum sem eru hvert og eitt með sturtu og búningsaðstöðu. Gengið er upp á aðra hæð til að fara í þessa álmu en þegar farið er út í lónið er gengið niður tröppur og þar er einkastofa þar sem hægt er að hvíla sig, panta veitingar og fara í sérlón sem er innandyra.

Það hefur því ekki væst um kappann.

mbl.is

Tengdar fréttir

Ryan Gosling

Barbie þurrkaði upp birgðirnar af bleikri málningu

• Ryan Gosling borðar morgunkornið sitt
• 12 ára Gosling leikur á als oddi
• Hnakkrifust við upptökur á Notebook
• Ryan Gosling er á lausu - staðfest

» Fleiri tengdar fréttir

• Blogga um frétt