Styttir pilsin og lætur rassinn dilla

Frú Vigdís Finnbogadóttir prýðir jólablað MAN magasín sem kom út í dag. Þar er hún í persónulegu og einlægu viðtali þar sem víða er komið við á lífshlaupi hennar, auk þess sem fræðst er um líf hennar í dag og skoðanir á málum líðandi stundar. Meðal málefna er meðal annars rætt um klámvæðingu og hlutgervingu konunnar sem Vigdís hefur sterkar skoðanir á. Í viðtalinu segir hún eftirfarandi:

„Þegar búið er að finna upp höfuðið á konunni; hún orðin svona sérmenntuð og allir finna að hún er jöfn á við karla, þá kemur ósýnileg hönd og breytir tískunni til að minna hana á að hún er fyrst og fremst kynvera. Þessi hönd styttir pilsin, lætur rassinn dilla og þrengir allt. Allar konur verða eins. Taktu eftir því. Konan er gerð eins nakin og mögulegt er. Þetta er ekkert annað en ótti við konuna, ótti við að hún sé of sterk,“ segir Vigdís í viðtalinu. 

Svona lítur Vigdís Finnbogadóttir út á forsíðu MAN.

• Blogga um frétt