Sjö heitustu forsetaframbjóðendurnir
Setja bókamerki
Heitasta umræðuefnið í heitu pottunum þessa dagana er hverjir ættu að bjóða sig fram til forseta. Smartland Mörtu Maríu hefur hlerað umræðuna síðustu vikurnar og af þeim hlerunum að dæma poppa þessi sjö nöfn upp aftur og aftur.
Kári Stefánsson
Kári er einfaldlega harðasti nagli landsins og lætur allt og alla heyra það sem hann telur hafa unnið fyrir því. Ekki er víst að hann falli í kramið hjá öllum en Kári hefur sjálfur látið hafa eftir sér að þjóðin kjósi ekki rudda eins og hann. Hver veit.
Jón Gnarr
Umræða um að Jón Gnarr fari í forsetaframboð hefur verið áberandi. Jón er leiftrandi húmoristi sem hefur með þátttöku í dægurmálum sýnt að hann er mikill pælari. Hann myndi gæða embættið sjarma einlægs húmors og heimspeki og Jón er ekki „freki kallinn“.
Stefán Eiríksson
Stefán er holdgervingur hins heiðarlega embættismanns. Hann þykir fyndinn og klár. Þá sýndi Stefán frábæra takta í „lekamálinu“. Þar bókstaflega lak af honum heiðarleikinn og sjálfsöryggi sem þarf að einkenna leiðtoga þjóðar sem þarf á heiðarlegu fólki að halda.
Ragna Árnadóttir
Ragna hefur lengi verið orðuð við forsetaembættið. Af Rögnu geislar einlægni og sjálfsöryggi konu sem ræður við allt. Íslendingar kusu frú Vigdísi Finnbogadóttur fyrsta kvenna sem forseta. Það var okkur til sóma. Ragna kæmi sterk inn sem arftaki hinnar sterku konu sem leiðtoga þjóðar.
Óttar Proppé
Óttar Proppé er sá þingmaður sem komið hefur hvað mest á óvart. Óttar hefur verið áberandi í ræðustóli þingsins, ræður hans hafa verið djúpar og á mannlegum nótum. Bakgrunnur Óttars úr rokkinu er svo aldeilis ekki til að skemma fyrir honum. Kannski væri mest rokk að fá Óttar sem forseta lýðveldisins.
Björk Guðmundsdóttir
Björk er sennilega frægasti Íslendingur fyrr og síðar. Ekki þarf að efast um að leiðtogar heimsins myndu bítast um að fá að hitta þann forseta þó ekki væri fyrir annað en að fá eiginhandaráritun. Björk hefur sterkar skoðanir á umhverfinu og er listamaður sem án efa gæti breytt ásýnd forsetaembættisins.
Ólafía Hrönn Jónsdóttir
Íslendingar eiga ekki bara húmorista af karlkyninu. Ólafía Hrönn er ferlega fyndinn karakter en hispursleysi hennar og einlægni gætu verið spennandi kostir fyrir embættið á Bessastöðum.
Hraun fór yfir Grindavíkurveg
Beint: Eldgos hafið við Stóra-Skógfell
Spara stórfé með olíukaupum ytra
Á algjöru frumstigi eftir þrjár vikur af verkfalli
Mjög alvarlegt ef Njarðvíkuræð gefur sig
Búseta skortir byggingarlóðir
Þórarinn: Tafir á höfuðborgarsvæðinu ekki minni
Borgin verður af milljörðum eftir dóm Hæstaréttar
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda