Linda Pé: Það birtir alltaf aftur upp

Linda Pétursdóttir fegurðardrottning gekk í gegnum mikinn öldugang á árinu sem er að líða þegar Baðhúsið varð gjaldþrota. Linda tók til í lífi sínu, setti heilsuna í forgrunn og ákvað að halda áfram þrátt fyrir áföll. Hún segir að fólk verði að muna að það birtir alltaf upp aftur.

„Langar að hvetja þá sem eru að ganga í gegnum erfiða tíma; 
Munið kæra fólk að þeir vara ekki að eilífu og það birtir alltaf aftur upp - og oft jafnvel fyrr en við höldum.

Það sem skiptir mestu máli er að hugsa vel um sig, sinna andlegri og líkamlegri heilsu, og að gefast aldrei upp. Ég tala af reynslu,“ segir hún á Facebook-síðu sinni.

Hún birtir mynd af sér með sem hún tók í auglýsingapásu í beinni útsendingu Miss World í Kína síðasta laugardag. Þar var Linda í dómarasætinu.