Ásdís Rán Gunnarsdóttir fyrirsæta hyggst fara í forestaframboð ef hún fær nógu marga meðmælendur. Hún sendi frá sér myndband rétt í þessu þar sem hún fer yfir stöðuna.
„Það eru ekki allir sem vilja pólitíkusa eða valdafólk sem forseta Íslands. Það eru aðrir sem vilja bara glæsilega klára konu sem kann að koma fram og kann að svara fyrir sig. Það má að sjálfsögðu deila um það hvort ég hafi allt til brunns að bera til að vera forseti Íslands. Geri mér grein fyrir að það verði umdeilt mál. Ég ætla að leyfa þjóðinni að deila um það hvort ég eigi að halda þessari baráttu áfram. Ég er kannski að bjóða mig fram fyrir minnihlutahópa,“ segir Ásdís Rán í myndbandinu en hægt er að horfa á það í heild sinni hér fyrir neðan: