Nóttin: Erna Mist og Þorleifur ástfangin í hádegismat
Setja bókamerki
Það stefndi í góða viku hjá Nóttinni sem átti stefnumót við mann sem hún hafði óvart súperlækað á Tinder. Hann var með maríulax á myndinni. Sambandið við laxveiðimanninn entist frá miðvikudeginum fram á fimmtudag. Nóttin mætti aðeins of seint í vinnuna á fimmtudeginum en í hádegismatnum fékk hún að heyra að laxveiðimaðurinn væri giftur. Hvað hafði mamma sagt? Aldrei að treysta laxveiðimönnum.
Nóttin ákvað að fara í langan löns á La Primavera á föstudaginn enda alveg búin á því eftir versta stefnumót aprílmánaðar! Á La Primavera voru Ágúst Guðmundsson í Bakkavör, Ásgeir Friðgeirsson viðskiptamaður, Eiríkur Bergmann stjórnmálafræðiprófessor, Vala Pálsdóttir, Guðmundur Kristjánsson í Brimi, Sigurður Valtýsson bankamaður og Edda Arnljótsdóttir leikkona.
Nóttin horfði öfundaraugum á Ernu Mist Yamagata listamann og Þorleif Örn Arnarsson leikstjóra sem voru mjög ástfangin. Nóttin langar að vera ástfangin eins og þau.
Eftir La Primavera og nokkur rauðvínsglös ákvað Nóttin að slá deginum upp í kæruleysi og fara í Kringluna og kaupa sér nokkur skópör. Edda Björgvinsdóttir leikkona var líka í Kringlunni, líklega ekki í sömu erindagjörðum, en bara það að sjá Eddu hressti Nóttina við. Hún tók leigubíl aftur niður í bæ, skellti sér í nýja skó og fór í lúxusmathöllina á Hafnartorgi. Þar var hin ofursmarta Stella Birgisdóttir innanhúshönnuður að gera vel við sig með vinkonum sínum. Nóttin óskaði þess að hún væri jafnheit og Stella!
Næst lá leiðin á Port 9. Þar var einn heitasti piparsveinninn, Árni Hauksson, en þótt Nóttin sé í makaleit þá er hann aðeins of gamall fyrir hana þótt hann sé unglegur. Þar var líka Ásgeir Friðgeirsson, sem er líka mjög unglegur og töff.
Nóttin byrjaði laugardaginn á verslunarleiðangri. Langaði í eitthvað nýtt fyrir kvöldið. Í Kringlunni var bara einmana forsetaframbjóðandi með fáa Facebook-vini. Nefnum engin nöfn. Frambjóðandinn hefði betur farið í Smáralind eins og Nóttin. Í Smáralind var Ólafur Darri Ólafsson Hollywoodstjarna, Hreiðar Levý Guðmundsson, fasteignasali og handboltastjarna. Nóttin sá Birgittu Haukdal í kósífötunum í Smáralind, líklega á leiðinni í ræktina eða úr ræktinni. Hún vaknaði greinilega ekki þunn eins og Nóttin. Sóli Hólm, einn fyndnasti maður landsins fór alla leið úr Vesturbænum í Kópavoginn. Nóttin sá Helgu Völu Helgadóttur óska gæs til hamingju með væntanlegt brúðkaup. Nóttin væri alveg til í að vera að gifta sig en kannski ekki að vera gæsuð í Smáralind! Meira svona í London eða París!
Nóttin gafst upp á röðinni á Röntgen en þar var mikið af ungu liði. Reyndar var þar Helga Margrét Agnarsdóttir, ofurskvísa og laganemi. Nóttin er bara lítið í því að bíða í röðum – er meiri svona VIP-skvís. Nóttin þarf aldrei að bíða í röð á hverfisbarnum Kjarval en á laugardagskvöldið voru þar Óskar Guðmundsson rithöfundur og Sóli Hólm grínisti. Sá var að fagna eftir Edduna.
Eftir erfiða helgi fór Nóttin á rúntinn með gömlum vinkonum sínum. Þær komu við í ísbúð í Skeifunni, eins og klassapíur gera, en þar var Halla Hrund Logadóttir ásamt fjölskyldu sinni uppstríluð í bláum kjól með blásið hár. Hún borgaði ísinn eins og alvöru leiðtogar gera!
/frimg/1/48/82/1488234.jpg)
Aðeins níu meðmælendur í öðru framboðinu
Offramboð á leiðindum í nokkur ár
Verið að búa til „óánægju og kergju“
„Þakklátur að hanga í toppsætunum“
Hjólandi fjölgar hægt en örugglega
„Eigum eftir að sjá miklar sviptingar“
/frimg/1/48/63/1486389.jpg)
Miklar fylgissveiflur forsetaefna
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál