Mætti með verðmiðann undir skónum

Söngkonan Madonna gleymdi að taka verðmiðann undan skónum þegar hún mætti á kvikmyndahátíðina í Toronto í Kanada. Þegar ljósmyndararnir fóru að mynda hana í bak og fyrir kom í ljós að hún var greinilega að fara í fínu skóna sína í fyrsta skipti. Verðmiðinn var á sínum stað og hann var alls ekkert í minni kantinum.

Madonna klæddist svörtum níðþröngum hnésíðum kjól á hátíðinni og var svolítið að vinna með gamla kvikmyndastjörnulúkkið. Hárið var vel krullað og þykki eye-linerinn var á sínum stað ásamt rauða varalitnum.

Söngkonan klæddist að sjálfsögðu netsokkabuxum. Ætli þær séu húðflúraðar á hana?