Smartland Mörtu Maríu | Tíska | mbl | 8.11.2011 | 23:14

Stækkar brjóstin um heila skálastærð á mánuði

Brjóstin á Maríu Carey eru í stærri kantinum.

Serumið Bust Fix gæti mögulega þýtt endalok fylltra brjóstahaldara og kostnaðarsamra lýtaaðgerða en það er nýtt líkamsserum sem getur stækkað brjóstin um allt að ¾ hluta skálastærðar á einungis fjórum vikum.

Þessi meðferð, sem hefur fengið viðurnefnið „brjóstastækkun úr túbu“, virkar þannig að serumið örvar myndun og geymslu náttúrulegra fitufrumna í brjóstunum og eykur stærð þeirra.

Serumið, Bust Fix, rýkur út líkt og heitar lummur og á hæsta tímapunkti voru seldar 1000 túbur á mínútu. Í fyrrakvöld seldust 100.000 stykki á netinu á heimasíðu Boots.

Serumið inniheldur efni sem kallast „mangosteen“ og er tekið úr ávöxtum en það eykur framleiðslu fitusýra í brjóstvef. Það stækkar einnig fitufrumurnar og blæs í þær lífi. Það sem skilur þessa töfralausn frá öðrum collagen-örvandi kremum er að þau sem fyrir eru á markaði vinna á húðinni í kringum brjóstin frekar en fitunni undir húðinni eins og nýja serumið gerir.

Gerðar voru rannsóknir á 6000 konum og 2 af hverjum 3 fóru upp um hálfa skálastærð eftir 12 vikur en nánast fjórðungur þeirra fór upp um ¾ hluta skálastærðar. 85% kvennanna sem tóku þátt fundu mun á brjóstunum eftir að hafa notað Bust Fix. Rannsóknir húðvísindamanna gáfu til kynna að Bust Fix eykur framleiðslu fitusýra (ferli sem kallast lipogenesis) um 57% á 5 klukkustundum.

Notandi Bust Fix segir að hún hafi farið frá því að vera 32C og yfir í 32D á aðeins einum mánuði. Hún segir að hún hafi verið efins í fyrstu en eftir að hafa notað serumið kvölds og morgna í 2 vikur hafi hún strax fundið að brjóstin voru orðin stinnari og þrýstnari og að brjóstahaldararnir voru orðnir heldur þröngir.

Fyrir þær sem eru orðnar þreyttar á að leita að hinum fullkomna „push-up“ haldara og vilja ekki leggjast undir hnífinn gæti serumið verið góð lausn. Serumið fæst fyrir tæp 17 pund eða rúmar 3000 íslenskar krónur.