Nærbuxur með fylltum rassi fljúga út

Síðan yngri Middleton-systirin, Pippa, sló í gegn í brúðkaupi hinnar eldri og afturendi hennar vakti ógleymanlega athygli hafa „nærbuxur með púðum“ flogið úr hillum verslana. 

Nærbuxurnar eru hannaðar til þess að ýkja línur kvenna á viðeigandi stöðum, buxurnar gefa afturendanum ákveðna lyftingu sem hingað til hefur aðallega verið vinsæl fyrir brjóst. 

Seljendur buxnanna vilja meina að salan á þeim hafi aukist eftir að Middleton-systirin sló í gegn í konunglega brúðkaupinu.  Að sögn framleiðenda bæta buxurnar, „the Invisible Shaping Bum Boosters“,  allt að 5 cm við afturendann sjálfan og 15° breyting verður á lögun hans.  

Ákveðin þrenging að framan í buxunum gerir það að verkum að maginn virkar flatari og ósýnilegir saumar koma í veg fyrir að útlínur þeirra sjáist í gegnum buxur eða pils.  

Buxurnar kosta tæpar 4.000 kr. stykkið og í Debenhams í Bretlandi voru þetta mest seldu nærbuxurnar í síðustu viku. Talsmaður búðarinnar segir að Pippa hafi  „sett fordæmi um það hvernig fullkominn afturendi eigi að vera.“ 

Pippa sló í gegn í brúðkaupi systur sinnar. POOL

• 2 blogg um fréttina

Bloggað um fréttina

• Jóna Kolbrún Garðarsdóttir: Alvöru konur á undanhaldi
• Davíð Þ. Löve: Enn meiri vörusvik?