Fjallakofinn styður Ferðafélag Íslands

Stjórnendur Fjallakofans og Ferðafélag Íslands gerðu á dögunum samstarfssamning til næstu þriggja ára. Skv. samningnum mun Fjallakofinn styðja við starf FÍ meðal annars með því að leggja til búnað til ferðalaga. Fjallakofinn mun t.d. útvega fararstjórum Marmot-útivistarfatnað sem og veita félagsmönnum FÍ veglegan afslátt af öllum vörum í Fjallakofanum og bjóða þátttakendum í ferðum félagsins vildarkjör.

Halldór Hreinsson, framkvæmdastjóri Fjallakofans, er mjög ánægður með samninginn sem nú hefur verið gerður: „Það er mjög ánægjulegt fyrir okkur að styðja við lýðheilsustarf Ferðafélagsins,“ segir Halldór. Páll Guðmundsson, framkvæmdastjóri FÍ, segist sömuleiðis ánægður með þennan samning sem er til þriggja ára – en ýmsar hugmyndir eru um enn frekari útfærslu samstarfsins.

Vesti frá Marmot.