Sæl Þórdís.

Ég á systur sem er að nálgast þrítugt og hún er nýbúin að léttast um 70 kg. Hana langar í aðgerð til að fjarlægja húð af maganum, upphandleggjum og láta laga brjóstin. Ég var að spá í hvað þarf að líða langur tími frá því að hún fer í þessar aðgerðir og þar til hún mætti verða ólétt? Er betra fyrir hana að fara í þessar aðgerðir eftir að hún hefur átt börn? Mun hún geta haft barn á brjósti eftir að hafa farið í aðgerð á þeim?

Kveðja, 

stóra systirin

Sæl og takk fyrir spurninguna.

Þú óskar systur þinni til hamingju frá mér, frábær árangur hjá henni. Ekki að furða að húðin sé slöpp eftir svona mikið þyngdartap. Almennt mæli ég með því að bíða með aðgerðir á maga og brjóstum ef barneignir eru á planinu innan tveggja ára. Sérstaklega þar sem mjög líklega er þörf á lyftingu á brjóstunum. Það er mjög sjaldgæft að það þurfi að taka í sundur mjólkurganga þegar brjóstum er lyft og því gengur það oftast að hafa barn á brjósti eftir brjóstalyftingu. En ég vara alltaf konur við að það geta komið upp vandamál við brjóstagjöfina, t.d. stíflur og sýkingar. Eftir aðgerð á upphandleggjum eru þeir ekki eins viðkvæmir fyrir breytingum sem verða á líkamanum við meðgöngu og því í lagi að það líður skemmri tími en tvö ár á milli aðgerðar og meðgöngu.

Takk fyrir spurninguna og góðar kveðjur til systur þinnar,

Þórdís Kjartansdóttir, lýtalæknir. 

Liggur þér eitthvað á hjarta? HÉR getur þú sent Þórdísi spurningu. 

Tengdar fréttir

Spurðu lýtalækninn

Geta karlar farið í svuntuaðgerð?

• Er fólk einhvern tímann of gamalt fyrir svuntuaðgerðir?
• Hvað þarf fólk að vera þungt ef það ætlar í aðgerð?
• „Fólk getur helst ekki farið oftar en tvisvar í andlitslyftingu“
• „Fólk kemur í bótox og fylliefni og fer beint í vinnuna eða á fund“

» Fleiri tengdar fréttir

• 1 blogg um fréttina

Bloggað um fréttina

• ViceRoy: Hinkraðu aðeins