Andlit Donatellu hefur tekið stakkaskiptum

Hönnuðurinn Donatella Versace er afar hæfileikarík og valdamikil. Það eru eflaust margir sem líta upp til hennar og dást að afrekum hennar innan tískubransans. En Versace er ekki aðeins þekkt fyrir hönnun sína heldur einnig útlit sitt.

Útlit Donatella Versace hefur tekið miklum breytingum á undanförnum áratugum en hún hefur látið breyta sér töluvert með fegrunaraðgerðum. Versace, sem er 59 ára gömul, er nánast óþekkjanleg á gömlum myndum af henni.

Þegar nýlegar myndir eru bornar saman við gamlar myndir af þessum frábæra hönnuði er breytingin áberandi. Í dag er húð hennar glansandi vegna of mikils bótox og varir hennar og nef hafa tekið miklum breytingum svo eitthvað sé nefnt. Breytingarnar sem hafa átt sér stað á 21 ári eru ótrúlegar.