Þórdís Kjartansdóttir lýtalæknir á Dea Medica svarar spurningum lesenda. Hér er hún spurð út í fitufrystingu og hvort eitthvert vit sé í henni. 

Sæl Þórdís,  

hvert er þitt álit á fitufrystingu? Er þetta eins lítið mál og auglýst er?

Kær kveðja, ein í fitufrystingarpælingum

Frétt af mbl.is: Hægt að frysta fituna burt

Sæl og takk fyrir spurninguna, 

þegar fitufrysting kom á markað kynnti ég mér hana vel vegna þess að mér fannst þetta hljóma mjög spennandi. Ég varð alls ekki hrifin og mæli ekki með þessari aðferð. Ástæðurnar eru nokkrar!

1. Til þess að ná svipuðum árangri og þú nærð í fitusogi þá þarftu að fara í mjög margar frystimeðferðir á einungis litlum svæðum í einu. Þá er kostnaðurinn væntanlega orðinn sambærilegur eins og við fitusog.
2. Ég hef á mínum ferli þurft að aðstoða tvo einstaklinga vegna djúpra brunasára eftir svona frystimeðferð, lesið um marga.
3. Við endurteknar frystimeðferðir verður álagið á lifrina mikið, getur verið hættulegt þeim sem eru með skerta lifrarstarfsemi (sem stundum einstaklingur veit ekki af).

Ég vona að þetta svari spurningu þinni,

með bestu kveðjum Þórdís Kjartansdóttir lýtalæknir

Tengdar fréttir

Spurðu lýtalækninn

Geta karlar farið í svuntuaðgerð?

• Er fólk einhvern tímann of gamalt fyrir svuntuaðgerðir?
• Hvað þarf fólk að vera þungt ef það ætlar í aðgerð?
• „Fólk getur helst ekki farið oftar en tvisvar í andlitslyftingu“
• „Fólk kemur í bótox og fylliefni og fer beint í vinnuna eða á fund“

» Fleiri tengdar fréttir

• 1 blogg um fréttina

Bloggað um fréttina

• Ásgrímur Hartmannsson: Ég hinsvegar, mæli eindregið með fitufrystingu