Lætur fjarlægja öll húðflúr sín

Skemmtikrafturinn Pete Davidson ætlar að láta fjarlægja öll húðflúr sín áður en hann verður þrítugur. Davidson er 27 ára í dag og segist hafa tekið margar slæmar ákvarðanir þegar hann fór undir nálina á sínum yngri árum.

Davidson skartar yfir 100 húðflúrum en hann ákvað að láta fjarlægja þau vegna þess hve langan tíma tekur að hylja þau þegar hann fer í tökur. Þarf hann yfirleitt að mæta um þremur tímum á undan öðrum. 

„Ég fer í næstu meðferð eftir um mánuð. Þeir segja að þau ættu öll að vera farin þegar ég verð þrítugur, svo það eru um tvö ár eftir,“ sagði Davidson í viðtali við People. 

Davidson fer í leysimeðferð til að láta fjarlægja húðflúrin. „Að brenna þau í burtu er verra en að fá sér þau, því þú ert ekki bara að brenna húðina, þú ert með þessi stóru gleraugu. Þannig að þú sérð ekki neit og læknirinn er þarna inni með þér,“ sagði Davidson í viðtali.

• 1 blogg um fréttina

Bloggað um fréttina

• Ingólfur Sigurðsson: Teikn eru á lofti um að margt geti verið á …