Skeggtíska íslenskra karlmanna vekur oftar en ekki athygli, enda setur skeggvöxturinn mikinn svip á andlit þeirra sem kjósa að bera skegg. Þá hefur lengi verið talað um skegg sem aðalsmerki karlkynsins og ákveðið tákn um tímalausan kraft og kynþokka karlpeningsins.

Smartland tók saman flottustu skegg landsins.  

Unnar Gísli Sigurmundsson.

Unnar Gísli, betur þekktur undir listamannsnafninu Júníus Meyvant þykir afar vel skeggjaður. Hann hefur verið að gera það gott í íslensku tónlistarsenunni síðustu ár og hefur útlit hans vakið mikla eftirtekt þar sem sítt hár hans og einstakur skeggvöxtur eru einkennandi. 

Jóhannes Haukur Jóhannesson.

Stórleikarinn Jóhannes Haukur hefur lengi verið með þéttan og góðan skeggvöxt. Skeggvöxturinn hefur síður en svo skemmt fyrir honum á stóra tjaldinu þegar hann hefur farið með hlutverk ýmissa stórmenna. 

Arnar Gunnlaugsson.

Fyrrum knattspyrnumaðurinn og þjálfari Víkings, Arnar Gunnlaugsson, skartar þykku og góðu skeggi sem fer vel við andlitsfallið. 

Bjarni Benediktsson.

Bjarni Benediktsson, fjármálaráðherra, kom mörgum á óvart nýverið þegar hann mætti fúlskeggjaður í pontu á Alþingi. Þykir skeggvöxturinn fara Bjarna bráðvel. 

Sverrir Bergmann.

Söngvarinn Sverrir Bergmann á ekki að vera neitt öðruvísi en með skegg. Hann gaf nýverið kost á sér í síðustu sveitastjórnarkosningum þar sem hann var á lista hjá Samfylkingunni í Reykjanesbæ. Athygli hefur vakið að grár blær hefur tekið að myndast í skegg Sverris en það þykir ekkert tiltökumál heldur fremur pabbalegt.  

Hannes Steindórsson.

Fasteignasalinn Hannes Steindórsson er alltaf með vel snyrt og töff skegg. Nú er hann líka orðinn virðulegur bæjarfulltrúi í Kópavogi og því er skeggið kannski ennþá meira viðeigandi en áður. 

Haukur Færseth.

Haukur Færseth er einn færasti húðflúrari landsins og einnig einn sá best skeggjaðasti. Haukur hefur einstaklega karlmannlegan og grófan stíl og fer skeggvöxturinn stíl hans prýðilega vel.

Ásgeir Börkur Ásgeirsson.

Óhætt er að segja að fótboltamaðurinn Ásgeir Börkur sé með eitt flottasta skeggið í bransanum. Það kemst enginn fótboltamaður með tærnar þar sem hann hefur hælana þegar skeggið er annars vegar.

Ólafur Geir Jónsson.

Einkaþjálfaranum Óla Geir fer vel að vera með skegg. Hann hefur fremur fágaðan stíl og hugar vel að skeggsnyrtingu. Óli Geir ætti að vera mörgum kunnugur en hann spilaði stórt hlutverk í íslenskri skemmtistaðamenningu á árum áður þar sem hann starfaði sem plötusnúður og skipulagði hvern tónlistarviðburðinn á fætur öðrum.

Logi Einarsson.

Logi Einarsson, alþingismaður og formaður Samfylkingarinnar, má segja að sé eins konar silfurrefur. Þriggja daga skeggið fer honum langbest.

Kári Kristján Kristjánsson.

Handknattleiksmaðurinn Kári Kristján skartar síðu og góðu skeggi. Þrátt fyrir að átök eigi sér oft stað innan handboltavallarins þá hefur skeggið ekki komið Kára að sök. Hann hefur í það minnsta haldið áfram að safna skeggi.

Einar Þorsteinsson.

Fyrrum fréttamaðurinn og komandi borgarstjóri í Reykjavík, Einar Þorteinsson, er með ótrúlega fagurt skegg. 

Bjarni Helgason.

Íþróttafréttamaðurinn Bjarni Helgason er með einstaklega þéttan og fallegan skeggvöxt.  

Gunnar Nelson.

Bardagakappinn Gunnar Nelson hefur margt til brunns að bera þó svo að hann láti lítið fyrir sér fara. Hann er ekki bara góður í að berjast heldur er hann líka með flott skegg.  

Loji Höskuldsson.

Listamaðurinn Logi Höskuldsson, sem helst vill láta bera nafn sitt fram sem Loji, er með mottu allan ársins hring. Ekki bara í mars. Mottan fer Loga einstaklega vel og er án efa hans einkennismerki.

Ragnar Freyr Ingvarsson.

Læknirinn og kokkurinn í eldhúsinu, Ragnar Freyr, er með karlmannlegt skegg án þess að það sé kauðalegt. 

Friðrik Ómar Hjörleifsson.

Söngvarinn Friðrik Ómar hugsar vel um skeggið sitt. Skegg hans er alltaf vel snyrt og fallegt.  

Ólafur Darri Ólafsson.

Stórleikarinn og undur Íslands Ólafur Darri þykir vera ofarlega á lista þegar flottustu skegg landsins eru skoðuð. Ólafur Darri hefur verið í ófáum hlutverkum síðustu ár en hann er alltaf flottastur með síða og þétta skeggið sitt. 

Ásgeir Jónsson.

Ásgeir Jónsson, seðlabankastjóri, er einstaklega flottur maður. Skeggvöxtur hans skemmir þar alls ekki fyrir en Ásgeir hirðir vel um skeggið sitt. 

Egill Ólafsson.

Það væri náttúrulega réttast að veita Agli Ólafssyni „silfurrefa-verðlaunin“ því hann er auðvitað einn sá allra flottasti. Ástsæla tónlistarmanninn og Stuðmanninn þekkja allir en hefur lagt mörgum línurnar þegar kemur að tísku í gegnum árin. Egill hefur verið margs konar lögun á skeggi sínu í gegnum tíðina en óhætt er að segja að stíll hans batni bara með árunum.