Píratinn Björn Leví Gunnarsson er einn þeirra þingmanna sem fylgir ekki alltaf venjum um snyrtilegan klæðnað á Alþingi. Eggert Jóhannesson, ljósmyndari Morgunblaðsins, tók mynd af ónefndum manni í ósamstæðum sokkum í vikunni. Eggert ljóstraði því upp við Smartland að umræddur maður væri píratinn Björn Leví Gunnarsson. 

Tilefni myndarinnar var umfjöllun um klæðnað þingmanna í Morgunblaðinu á fimmtudaginn. Rifjað er upp í greininni að árið 2020 hafi Bjarni Benediktsson, þáverandi fjármálaráðherra, gagnrýnt Björn Leví fyrir ekki bara það að vera á sokkaleistunum heldur líka í ósamstæðum sokkum. 

„Veistu, ég verð bara að segja, virðulegi forseti, mér er algjörlega orðið misboðið að þessi háttvirti þingmaður sem kemur hér á sokkaleistunum upp í ræðupúlt, í sitthvorum sokknum, ítrekað, með pólitískt skítkast í rauninni og ekkert annað.“ 

Svo virðist sem Björn Leví sé enn að leita að leita að samstæðum sokkum fjórum árum seinna. 

Björn Leví Gunnarsson er ekki alltaf í jakka. mbl.is/Eggert Jóhannesson

Líka á sokkunum í ræktinni

Björn Leví leggur greinilega ekki bara í vana sinn að ganga um Alþingi á sokkaleistunum. Heimildir Smartlands herma að hann hafi einnig sést í Hreyfingu á sokkaleistunum. Líklega er hann bara heitfengur. Hann hefur einmitt þá afsökun þegar hann var áminntur fyrir að mæta í skyrtu í ræðustól. 

Frétt af mbl.is

Mæta á Alþingi í gallabuxum

Björn Leví Gunnarsson þykir oft frjálslegur til fara á Alþingi. mbl.is/Eggert Jóhannesson

Tengdar fréttir

Fatastíllinn

Steldu stílnum af ríkissáttasemjara

• Laufey sló í gegn í Chanel-samfestingi
• Mætti í Spursmál klædd handprjónaðri lopapeysu
• Björn Skúlason fékk skóstuðning úr óvæntri átt
• Snorri mætti í sérsaumuðum jakkafötum

» Fleiri tengdar fréttir

• 2 blogg um fréttina

Bloggað um fréttina

• Geir Ágústsson: Mætti biðja um hugmyndafræði í stjórnmálaumræðuna?
• Wilhelm Emilsson: Á Alþingi