Íþróttir | Íslenski fótboltinn | mbl | 9.6.2007 | 18:55

Daníel tryggði Valsmönnum stig gegn Keflavík

Þórarinn Kristjánsson. Jim Smart

Valur og Keflavík skildu jöfn, 2:2, í Landsbankadeild karla í kvöld en Daníel Hjaltason tryggði Val stig með því að skora á 88. mínútu. Keflavík komst í 2:0 í fyrri hálfleik en Þórarinn Kristjánsson og Baldur Sigurðsson skoruðu mörk Keflavíkur. Hafþór Ægir Vilhjálmsson skoraði fyrra mark Vals. Valur er með 9 stig í öðru sæti deildarinnar en Keflavík er með 8 stig eftir fjórar umferðir. Fylgst var með gangi mála í textalýsingu á mbl.is.

2:2. 88. mín. Daníel Hjaltason jafnar fyrir Val en hann skallaði boltann í markið eftir góða fyrirgjöf. Varamenn Vals sem komu inn á í upphafi síðari hálfleiks komu því verulega við sögu í leiknum en Daníel og Hafþór Ægir skoruðu mörk Vals.

74. mín. Guðmundur Benediktsson kemur inn á í stað Gunnars Einarssonar. Willum Þór Þórsson þjálfari Vals fækkar þar með í varnarlínu liðsins og leikur með þrjá varnarmenn það sem eftir lifir leiks.

1:2. 58. mín. Hafþór Ægir Vilhjálmsson skorar fyrir Val með skoti af stuttu færi eftir að Ómar Jóhannsson markvörður Keflavíkur varði skot frá Helga Sigurðssyni.

53. mín. Valsmaðurinn Dennis Bo Mortensen skallar yfir mark Keflavíkur eftir hornspyrnu en þetta er besta marktækifæri Valsmanna í leiknum.

46. mín. Willum Þór Þórsson gerir tvær breytingar á liði sínu. Hafþór Ægir Vilhjálmsson og Daníel Hjaltason koma inná. Baldur Aðalsteinsson og Sigurbjörn Hreiðarsson fara af velli.

45. mín. Erlendur Eiríksson dómari leiksins blæs í flautu sína og fyrri hálfleik er lokið. Valsmenn fengu 10 hornspyrnur í fyrri hálfleik og 10 markskot, þar sem 2 þeirra hittu á markið. Keflavík hefur náð 4 skotum á markið og öll þeirra hafa hitt á markið.

33. mín. Valsmaðurinn Baldur Aðalsteinsson fær gult spjald fyrir brot.

0:2. 31. mín. Baldur Sigurðsson skorar fyrir Keflavík. Þórarinn Kristjánsson komst upp að endamörkum og gaf fyrir markið þar sem Baldur Sigurðsson skallaði boltann í netið framhjá Kjartani Sturlusyni markverði Vals.

15. mín: Helgi Sigurðsson á gott skot að marki Keflavíkur en Ómar Jóhannsson markvörður Keflavíkur varði vel. Valsmenn hafa aðeins verið að sækja í sig veðrið á undanförnum mínútum.

0:1. 5. mín. Þórarinn Kristjánsson skorar fyrir Keflavík. Hann fékk boltann í vítateig Valsmanna og átti ekki í erfiðleikum með að skora. Vörn Vals svaf á verðinum og nýtti Þórarinn sér möguleikann.

Byrjunarlið Vals: Kjartan Sturluson, Birkir Már Sævarsson, Atli Sveinn Þórarinsson, Barry Smith, Gunnar Einarsson (Guðmundur Benediktsson 74.) - Baldur Ingimar Aðalsteinsson (Hafþór Ægir Vilhjálmsson 46.), Sigurbjörn Örn Hreiðarsson (Daníel Hjaltason 46.), Pálmi Rafn Pálmason, Baldur Bett, Dennis Bo Mortensen - Helgi Sigurðsson.

Byrjunarlið Keflavíkur: Ómar Jóhannsson, Guðjón Árni Antoníusson, Kenneth Gustafsson, Hallgrímur Jónasson, Branislav Milicevic - Marco Kotilainen, Jónas Guðni Sævarsson, Baldur Sigurðsson , Símun Eiler Samuelsen - Þórarinn Brynjar Kristjánsson, Guðmundur Steinarsson.