Miðaverð á Landsbankadeildina hækkar: 1500 krónur á leikinn

„Víst er þetta dálítil hækkun en miðaverð á leiki í Landsbankadeild hefur ekki hækkað í fimm ár og brýn þörf var þar á,“ segir Gísli Gíslason í Félagi formanna knattspyrnuliða í Landsbankadeildinni, en þar á bæ hafa menn ákveðið 300 króna hækkun á miðaverði milli ára. Barnagjöld hækka þó ekki.

Gísli ítrekar reyndar að strangt til tekið sé þó ekki um hækkun að ræða þar sem miðar í forsölu á netinu fáist á 1200 krónur sem sé sama verð og síðasta sumar. „Þannig er hægt að spara umtalsverðar upphæðir auk þess sem hvert og eitt félag býður stuðningsmönnum sínum upp á pakkaverð sem er bæði lægra og hærra en þetta. En þetta er lágmarkshækkun enda hafa rekstrarliðir knattspyrnudeilda hækkað mikið eins og annað undanfarin ár.“

• 3 blogg um fréttina

Bloggað um fréttina

• Hvíti Riddarinn: Eykur ekki líkurnar á að ég fari á völlinn!!!
• Guðni Hjörleifsson: fullmikil hækkun
• Óskar Þorkelsson: þetta stoppar mig ..