Pálmi Rafn á leið til Stabæk

Pálmi Rafn Pálmason, leikmaður Vals, hefur verið seldur til norska liðsins Stabæk, en Valsmenn samþykktu í gærkvöldi tilboð frá norska félaginu.

Frá þessu var sagt á Rúv og sagt að Edward Börkur Edvardsson, formaður knattspyrnudeildar félagsins, hefði staðfest þetta en ekki viljað greina frá kaupverðinu. Hann sagði þó Val hafa fengið tilboð sem þeir hefðu einfaldlega ekki getað hafnað.

Pálmi Rafn er í Hvíta-Rússlandi með Valsliðinu og óvíst hvenær hann heldur til Noregs. 

• 2 blogg um fréttina

Bloggað um fréttina

• Gísli Foster Hjartarson: Þessi drengur á þetta svo sannarlega....
• Gísli Sigurðsson: Ekki óvænt