Bjarki: „Okkar skylda að halda áfram“

„Þessi leik­ur var í raun eins og allt tíma­bilið hjá liðinu. Ákveðið von­leysi sem fylgdi liðinu og þetta hef­ur verið svona í allt sum­ar. Menn eru að reyna eins og vit­leys­ing­ar að gera það sem lagt er upp með. Við feng­um fullt af fær­um og í síðari hálfleik lék­um við mjög vel miðað við aðstæður,“  sagði Bjarki Gunn­laugs­son leikmaður og þjálf­ari ÍA eft­ir  jafn­teflið gegn KR. Skaga­menn eru falln­ir í 1. deild en Bjarki seg­ir að leik­ur­inn gegn KR hafi ekki verið leik­ur­inn sem eigi eft­ir að lifa í minn­ing­unni.

„Það var ekki þessi leik­ur sem allt snér­ist um. Það voru aðrir leik­ir sem við vor­um að klikka á en þessi staða sem við erum komn­ir í þjapp­ar okk­ur bara sam­an fyr­ir næstu leiktíð. Í raun má segja að und­ir­bún­ings­tíma­bilið fyr­ir næsta tíma­bil hefj­ist strax á morg­un og við bræðurn­ir ætl­um okk­ur að fylgja þessu liði áfram sem leik­menn og þjálf­ar­ar. Við telj­um okk­ur vera réttu menn­ina í þetta og það er okk­ar skylda að halda áfram og búa til lið sem læt­ur að sér kveða í efstu deild á næstu árum,“  sagði Bjarki.  

• 4 blogg um frétt­ina

Bloggað um frétt­ina

• Helgi J: Þið komið liðinu ör­ugg­lega aft­ur í efstu deild enda með …
• Dunni: Rétta hug­ar­farið
• Ein­ar Vign­ir Ein­ars­son: Þetta eru dreng­ir sem eru sjálf­um sér sam­kvæm­ir.
• Har­ald­ur Bjarna­son: Stönd­um sam­an Skaga­menn!